哈囉各位結他友！平時喺屋企練琴，係咪好厭倦要駁一堆 Pedal、又或者嫌部大 Amp 阻地方？今日同大家開箱實測一部號稱係「捲王之王」嘅家用練琴神機—— JOYO Jam Buddy II！
呢部嘢真係細細部、功能大到可以衝擊你三觀，連小編一拆箱都忍唔住搬部返屋企用。到底佢有幾勁？即刻同大家一齊睇吓！
1. 掌心咁大，功能包羅萬有！
首先睇吓佢個 Size 先，真係一隻手掌咁大左右！不過你咪睇佢咁 Mini，基本上結他手諗到、用得到嘅功能，佢都一應俱全：
- 音箱模擬 + 效果器：唔使另外駁 Amp 同 Pedal。
- 鼓機 (Drum Machine) + 調音器 (Tuner)：練拍子、校音一步到位。
- Looper 功能：自己一個人都可以玩到 Jam 歌、疊 Layer！
最最最癲嘅係，佢仲支援直接插線落手機內錄！你可以一邊喺裡面播緊 Backing Track，一邊插結他彈，直接「聲畫同步」錄片上傳，成件事超方便。平時仲可以當埋藍牙喇叭用，一機多功能，性價比真係高到想喊！
2. 幾百蚊有交易，音質顛覆想像！
「細細部家用 Amp，音量一定好有限，音質都好極有限啦？」
如果你咁諗就錯喇！通常呢個價位（～HK$600 ）嘅練習 Amp，好多人都對音質冇乜期待。但 JOYO Jam Buddy II 真係令人好驚喜：
- 完美還原音箱特性：佢嘅音箱模擬做到好有質感，直頭模仿真實音箱嘅神韻。
- 音量剛剛好：唔會太細聲，又唔會大聲到畀隔離鄰舍炸投訴，喺屋企玩啱啱好！
- 出 Show 必備 DI Box：平時去輕量級出 Show，如果貪方便唔想帶大 Pedalboard，可以直接用佢個 Output 插落 PA System，當成 DI Box 咁用就搞掂，輕裝上陣冇難度。
3. 一插即彈！專為結他手量身打造嘅 Preset
平時用啲 Multi-Effects 最驚要遂個數值調校，調得嚟都冇晒靈感。Jam Buddy II 最正嘅地方，係佢所有 Preset（由 Clean Tone 到 Distortion）都調校得超好，完全唔使自己調數值，直接將結他插落去就彈得！
更貼心嘅係，佢入面嘅 Preset 已經內建埋好多結他手最愛嘅 Tube Screamer 效果！佢完全捉摸到結他手用 Pedal 嘅習慣同特性。
4. 顏值高、多色揀，但要注意一點！
外型方面，呢部機採用咗好精緻嘅金屬質感，仲有 4 種色揀：
- 經典黑色、銀色
- 亮眼橙色
- 仲有小編私心最愛、好似玫瑰金咁靚嘅馬爾代夫粉紅色！
不過大家帶佢出街玩嘅時候要留意，呢部機係充電式嘅。雖然好方便，但出 Show 或者去練歌嘅時候，記住要留意住電量。最穩陣嘅方法，就係帶埋個尿袋，一路叉一路玩就萬無一失喇！
總結：
總括而言，JOYO Jam Buddy II 只要幾百蚊，有齊藍牙、內錄、鼓機、Looper、音色又驚艷，真係無愧「捲王」之名。無論係新手想買第一部練習 Amp，定係老手想搵部方便嘅家居/出 Show 備用特效器，呢部都絕對唔會令你失望！
🌟 睇完心郁郁？即刻預約嚟親身試音啦！
網上睇片聽，始終不如親手插支結他落去、親耳聽佢嘅震撼音質！JOYO Jam Buddy II 現貨已經登陸我哋門市喇。
想親身感受呢部「捲王之王」有幾勁？想試吓佢個馬爾代夫粉紅色實物有幾靚？即刻 Click 埋下面個連結預約嚟門市試實物啦！我哋嘅專業團隊仲可以即場同你分享更多玩機心得，現貨數量有限，賣晒就要等下一批喇！
👉 [立即點擊這裡：預約門市免費試機]